આપના તે આભમાં હું નાનું પારેવડું
આપના ઈશારે ઊડી જાવું
આપનાં વચન મારા અંતરની ધડકન છે
આપની રુચિમાં જીવી જાવું ... ૧
આપની અનુવૃત્તિમાં આયખું ઓગાળવું
આપ ચાહો એમ મારે રહેવું
પરવાના થઈ થઈને આપમાં હોમાઈ જવું
નવજીવન આપમાંથી લેવું
વેણું બનવું છે મારે આપના અધરતણી
આપના જ સૂરને રેલાવું ... ૨
શ્રીજીમાં લીન કરી રાખો પ્રમુખસ્વામી
આપમાં અતીત વારી જાઉં
ભવોભવ આપનો ગુલામ બની હું તો
રાજીપો આપનો કમાવું
મારગ પણ આપ મારી મંઝિલ પણ આપ છો
મારે આપ વડે આપમાં સમાવું ... ૩
No comments:
Post a Comment