હે જી મેં તો હરખે નિહાળ્યા નાથ.....

                           

                           હે જી મેં તો હરખે નિહાળ્યા નાથ,

                           આજ મારો ઝાલ્યો સ્વામીએ હાથ... °ટેક

                           પરમ પુનિત એની દ્રષ્ટિ કૃપાથી, 

                           ધન્ય થયો અવતાર;

                          શ્રીજી સમા એવા પ્રમુખસ્વામીએ;

                          આજ મહેર કરી મારે માથ... હે જી° ૧

                          ભવનાં બંધન બધાં છૂટી ગયાં ને, 

                          ખોલ્યાં અક્ષરનાં દ્વાર;

                          ડગ રે ભરું હું તો સ્વામી સંગાથે;

                          આજ પામ્યો અલૌકિક સાથ... હે જી° ૨

                          હેત ઘણાં એવાં સ્વામીનાં પામી, 

                          આજ 'ઇન્દ્ર' થયો રે નિહાલ;

                          ઘણું રે જીવો મારા પ્રમુખજી પ્રીતમ;

                          આ ચાંદ-સૂરજની સંગાથ... હે જી° ૩

                             રચના : ઈન્દ્રજીત ચૌધરી

                             સ્વર : ચિંતન રાણા 

                             વિડીયો ગ્રાફી : ગુંજન કે 

                             નિર્દેશક : અનીલ રાણા